Government of Nepal Logo
नेपाल सरकार
गृह मन्त्रालय

जिल्ला प्रशासन कार्यालय, सर्लाही

मलंगवा

नेपाल सरकार
गृह मन्त्रालय

जिल्ला प्रशासन कार्यालय, सर्लाही

मलंगवा

कार्यालयको परिचय

स्थानीय प्रशासन ऐन, २०२८ को दफा ५ ले जिल्लाको सामान्य प्रशासन संचालन गर्न नेपाल सरकारको प्रतिनिधिको रुपमा प्रत्येक जिल्लामा प्रमुख जिल्ला अधिकारीले नेतृत्व गर्ने गरी एउटा जिल्ला प्रशासन कार्यालय रहर्ने व्यवस्था गरे अनुरुप यस जिल्लामा पनि जिल्ला प्रशासन कार्यालयको स्थापना भएको हो । हाल यसको कार्यालय मलगंवा नगरपालिका वडा नं. १० मा रहेको छ । सेवा प्रवाहलाइ अझै  सहज र सर्वसुलभ रुपमा जनताको घरदैलोमा पु¥याउने नेपाल सरकारको नीति अनुसार जनसंख्या र बसोवासका आधारमा यस कार्यालय अन्तर्गत दुई वटा ईलाका प्रशासन कार्यालयहरु क्रमशः हरिवन नगरपालिका र बरहथवा नगरपालिकामा स्थापना भई संचालनमा रहेका छन् ।

       जिल्ला प्रशासन कार्यालय जिल्ला तहमा नेपाल सरकारको प्रतिनिधित्व गर्ने प्रमुख प्रतिनिधिमुलक कार्यालय हो । गृह प्रशासनलाई सवल र सक्षम बनाई जनतामा सुरक्षाको प्रत्याभुति दिलाई शान्ति सुव्यवस्था र अमनचयन कायम राख्न, जिल्लामा  संविधान, ऐन नियम कानुनको संरक्षण तथा पालना गराउन, जनताको गुनासो सुन्न र तिनको निराकरण गर्न, चोरी ठगी नियन्त्रण गर्न, सार्वजनिक अपराध नियन्त्रण गर्न, सेवा प्रवाहलाई प्रभावकारी बनाउदै सुशासन प्रवर्धन गर्न, विपद जोखिम न्युनिकरण गर्दै विपद प्रभावितहरुलाई तत्काल उद्धार तथा राहत उपलब्ध गराउन जिल्ला भित्रका विकास निर्माण लगायतका कार्यमा समन्वयात्मक भुमिका निर्वाह गर्न, जिल्ला भित्रका मातहतका अन्य सरकारी कार्यालयहरुको अनुगमन तथा निरीक्षण लगायत नागरिकता वितरण, नागरिकता प्रतिलिपी जारी, राहदानी सिफारिस र वितरण, नावालिक परिचय पत्र जारी, विभिन्न सिफारिसजन्य कार्य, संस्था दर्ता र नविकरण, हातहतियार नामसारी र नवीकरण जस्ता कार्यहरु यस कार्यालयको कार्यक्षेत्र भित्र पर्दछन् ।